HomeHome  GalleryGallery  SearchSearch  RegisterRegister  Log inLog in  

Share | 
 

 @jab P@g@l Si L@rki H@i....

Go down 
AuthorMessage
M. Waqas Jan
Admin
avatar

Male Number of posts : 914
Age : 29
Registration date : 2008-10-29

PostSubject: @jab P@g@l Si L@rki H@i....   Sat Dec 06, 2008 11:02 am

Ajab paagal si larki hai
Mujhay har khat main likhti hai
Mujhay tum yaad kartay ho...?
Tumhain main yaad aati hoon?
Meri batain satati hain?
Meri neendain jagati hain..
Meri aankhain rulati hain?
December ki sunahri dhoop main ab bhi tahaltay hain?
Kisi khamoosh rastay se koi awaaz aati hai?
Taharti sard raaton main tum
Ab bhi chat pe jatay ho?
Falak ke sub sitaaron ko
Meri batain sunatay ho?
Kitabon se tumharay ishq main koi kami aai?
Ya meri yaad ki shiddat se aankhon main nami aai?

Ajab Paagal si Larki hai.....!

Mujhay har khat main likhti hain
jawaban... Usay kehta hoon...!
Meri masroofiyat dekho....
Subah se shaam office main chiraagh-e-umr jalta hai
Phir us ke ba'd dunya ki...
Ka'i majbooriyan paon main bairyan dal rakhti hain
Mujhay bay fikr chahat se bharay sapnay...
Nahin dikhtay
Tahalnay, Jaagnay, ronay ki muhlat hi nahin milti
Sitaron se milay ab arsa howa...
Naaraz hoon shayad
Farq itna para hai ab unhain arsay main parhta hoon
Tumhain kis ne kaha pagli
Tumhain main yaad karta hoon
Ke main khud ko musalsal bhulanay ki justujo main hoon
Magar ye justujo meri nakaam rehti hai
Meray din raat main ab bhi
Tumhari shaam rehti hai
Meray lafzon ki har maala
Tumaray naam rehti hai
Tumhain kis nay kaha pagli
Tumhain main yaad karta hoon
Puraani baat hai jo log aksar gungunaatay hain
Unhain hum yaad kartay hain....
Jinhain hum bhool jatay hain

Ajab paagal si larki hai.....!

Meri masroofiyat dekho
Tumhain dil se bhulaaon tu
Tumhari yaad aye naa...
Tumhain dil se bhulaanay ki mujhay
Fursat nahin milti
Aur is masroof jeewan main
Tumharay khat ka ek jumla...
Tumhain main yaad aati hoon???
Meri chahat ki shiddat main
Kami honay nahin deta
Bahut raatain jagata hai
Mujhay sonay nahin deta
So....
Agli baar khat main
Ye jumla nahin likhna

Ajab paagal si larki hai.....!

mujhay phir bhi ye likhti hai
Mujhay tum yaad kartay ho...?
Tumhain main yaad aati hoon?

_________________
ShayiriOnline
Back to top Go down
View user profile http://shayirionline.blogspot.com
saba awaz
Admin
avatar

Female Number of posts : 750
Registration date : 2008-11-04

PostSubject: Re: @jab P@g@l Si L@rki H@i....   Thu Dec 11, 2008 4:35 pm

wow..very nice
thanks for sharing
Back to top Go down
View user profile
M. Waqas Jan
Admin
avatar

Male Number of posts : 914
Age : 29
Registration date : 2008-10-29

PostSubject: Re: @jab P@g@l Si L@rki H@i....   Thu Dec 11, 2008 4:39 pm

your welcome saba

_________________
ShayiriOnline
Back to top Go down
View user profile http://shayirionline.blogspot.com
Sponsored content




PostSubject: Re: @jab P@g@l Si L@rki H@i....   

Back to top Go down
 
@jab P@g@l Si L@rki H@i....
Back to top 
Page 1 of 1

Permissions in this forum:You cannot reply to topics in this forum
 :: ShayiriOnline :: Your Favourite Poetry-
Jump to: